әуеден барлау құралдары

(Средства воздушной разведки)

әуе барлауын жүргізуде қолданылатын әр түрлі жабдықтармен, қондырғылармен жарақталған ұшқышты және ұшқышсыз ұшу аппараттары. Ә.б.қ. ретінде ұшақтар, тікұшақтар, жасанды Жер серігі, қанатты ракеталар және басқа арнайы аппаратуралармен жабдықталған ұшу аппараттары қолданылуы мүмкін. Ә.б.қ. барлау мәліметтерін жеткізу уақытына қарай алынған хабарламаны үздіксіз жеткізушілер (теле, фототеле аппаратурасы) және ұшу аппараты базаға оралған соң хабарлама алуға мүмкіндік беретін құралдар (фотоаппарат, радиотехникалық және радиолокациялық қондырғылар, инфрақызыл сәуле арқылы барлау) болып бөлінеді.